Prestigji

INFO

Periudha: shek. XIV

Prejardhja: E panjohur

Familja e fjalëve: prestigjioz, prestigjiator

Sinonime: reputacion, popullaritet, famë, respekt, meritë

Antonime: mashtrim, iluzion, magji

Shprehje: 

"fitoj prestigj", "prestigj i lartë", "lojë prestigji"

DMTH

Konsideratë, respekt, reputacion apo diçka që të bën më autoritar apo të rrit autoritetin; iluzion, mashtrim

ETIMO

Fjala prestigj rrjedh nga termi latin “praestigia” (mashtrim, iluzion), që vjen nga folja “praestringere” që do të thotë shtrëngoj fort dhe, figurativisht, lë të shtangur, gojëhapur (zgurdulloj sytë).

Kuptimi i kësaj fjale ka pësuar ndryshime shumë të mëdha gjatë jetës së saj; madje, ka kaluar nga njëri ekstrem në tjetrin.

Etimologjia e fjalës na tregon se si shtrengonin fort sytë (zgurdullim), mbesnin të shtangur njerëzit para një prestigji të një prestigjiatori. Prestigji ishte iluzioni, mashtrimi dhe prestigjiatori mashtruesi, sharlatani.

E vetmja shprehje që ka këtë kuptim dhe i ka mbijetuar transformimit semantik ështe lojë prestigji. Kjo shprehje përbën edhe hapin e ndërmjetëm mes dy domethënieve të fjalës: ashtu si një lojë prestigji mund të tërheq respektin dhe konsideratën e dikujt ashtu edhe një famë e pakuptimtë mund të bëhet autoritare, aq më tepër në shoqërinë aktuale.

Sot, mund të flasim për prestigjin e një posti, për një çmim prestigjioz ndërkombëtar, për një institut prestigjioz etj.

[wp-review]